బాలయ్య "అధినాయకుడు"కి దిల్‌ రాజు మరో షాక్‌

ఇటీవలే చిన్న సినిమా తీసి మార్కెటింగ్‌ చేయడం చేతకాక దిల్‌ రాజు చేతిలో సినిమాను పెట్టిన 'ఈ రోజుల్లో' నిర్మాతదర్శకులు చివరికి తమకు మిగిలింది పెద్దగా లేదని బాధను వ్యక్తం చేశారు. ఇప్పుడు తాజాగా 'అధినాయకుడు' చిత్రం కుమార్‌చౌదరి తన వల్లకాదని విడుదల చేయడానికి దిల్‌రాజును ఆశ్రయించాడు. అంతవరకు బాగానే ఉంది.

అగ్రిమెంట్‌ ప్రకారం కుమార్‌ చౌదరి పాత బాకీలన్నీ సెటిల్‌ చేశాడు. కానీ, సినిమా విడుదలకు మళ్ళీ దిల్‌ రాజు బ్రేక్‌ వేసినట్లు సినీ వర్గాల టాక్. తాను ఇచ్చిన డబ్బులు ఇస్తే గానీ... సినిమా రిలీజ్‌ కానివ్వని బ్రేక్‌ వేశాడట.

అదేంటి? మీరు సాయం చేస్తారనుకుంటే ఇలా ప్లేటు మారుస్తారేంటని అడిగితే.... అది అదే.. ఇది ఇదే.. రిలీజ్‌ తర్వాత పరిస్థితులు ఎలా ఉంటాయో...అప్పుడు మీరు మారిపోతే? అని చెప్పినట్లు సమాచారం. ఇప్పుడు ఏం చేయాలా? అన్న దీర్ఘాలోచనలో చౌదరి ఉన్నట్లు తెలిసింది. మరి బాలయ్య "అధినాయకుడు"కి ఎప్పుడు విముక్తో..