షారుఖ్‌ ఖాన్‌కు అల్లు అర్జున్ పోటీ ఇస్తాడా?

షారుఖ్ రేంజ్ ఎక్కడ..అల్లు అర్జున్ స్థానం ఎక్కడ? అంత పెద్ద హీరోతో మన బన్నీ పోటీ పడటం ఏమిటా...? అని ఆలోచిస్తున్నారా. పోటీ నిజమే కానీ ఇది సినిమాల విషయంలో ఎంత మాత్రం కాదు. ఓ వాణిజ్య ప్రకన విషయంలో. బన్నీని కోల్గేట్ టూత్ పేస్ట్ కంపెనీ ఆంధ్రప్రదేశ్ ఏరియాకు తమ బ్రాండ్ అంబాసిడర్ నియమిస్తూ ఒప్పందం కుదకర్చుకుంది. బన్నీ ముఖ్యంగా యూత్ ఇష్టపడే కోల్గేట్ మాక్స్ ఫ్రెష్ జెల్ తరుపున ప్రచారం చేయనున్నాడు. ఈ మేరకు బన్నీకి భారీ అమౌంట్(కోటికిపైనే) ఆఫర్ చేసినట్లు సమాచారం.

ఇప్పటికే టూత్ పేస్ట్ మార్గెట్‌లో కోల్గేట్‌కు పోటీగా ఉన్న పెప్సోడెంట్‌ కంపెనీకి బాలీవుడ్ స్టార్ షారుఖ్ ఖాన్ బ్రాండ్ అంబాసిడర్‌గా ఉన్నారు. ఈ నేపథ్యంలో షారుఖ్‌ఖాన్ చేస్తున్న పెప్సోడెంట్ ప్రచారానికి.... బన్నీ చేస్తున్న కెల్గెట్ ప్రచారం ఏ మాత్రం పోటీ ఇస్తుందనే చర్చ మొదలైంది.

బన్నీ ప్రస్తుతం త్రివిక్రమ్ శ్రీనివాస్ దర్శకత్వంలో ఓ సినిమా చేస్తున్నాడు. ఈ చిత్రంలో ఇలియానా హీరోయిన్ నటిస్తోంది. హారిక హాసిని ప్రొడక్షన్స్ బ్యానర్ పై రాధా కృష్ణ ఈ చిత్రాన్ని నిర్మిస్తుండగా డివివి దానయ్య సమర్పిస్తున్నారు. ఈ చిత్రానికి సంగీతం: దేవిశ్రీ ప్రసాద్