మూవీ ఆర్టిస్ట్స్ అసోసియేషన్ టాలీవుడ్ బ్యూటీలకు గట్టి షాక్ ఇచ్చింది. టాలీవుడ్లో సభ్యత్వం తీసుకోకుండా తెలుగు సినిమాల్లో ఎడాపెడా నటిస్తున్న తమన్నా, సమంతా, తాప్సీ, ఇలియానా, జెనీలియా, స్నేహలతోపాటు పలువురు తారలపై నిషేధాస్త్రం విధించాలని నిర్ణయించింది. గతంలో ఎన్నిసార్లు చెప్పినా ఈ తారలు తమ మాటను పట్టించుకోలేదని, లక్షలకు లక్షలు పారితోషికాలను అందుకుంటూ సభ్యత్వం తీసుకునేందుకు మాత్రం చేతులు రావడం లేదని మండిపడింది.
"మా" అధ్యక్షుడు మురళీమోహన్ మాట్లాడుతూ... ఇటువంటి విషయాలు బయటకు వస్తే బాగోదని చాలాసార్లు చెప్పినా హీరోయిన్లు పట్టించుకోలేదనీ, అందువల్లనే ఈ నిర్ణయం తీసుకోవలసి వచ్చిందన్నారు.
ఇప్పటి వరకు కాజల్, అనుష్కలు మాత్రమే సభ్యత్వం తీసుకున్నారని ఒక ప్రశ్నకు సమాధానంగా ఆయన తెలిపారు. ఇండస్ట్రీలో ఉంటూ సభ్యత్వం తీసుకోని వారందరికీ ఇప్పటికే నోటీసులు పంపామని వెల్లడించారు.
Post a Comment