ఈ చిత్రంలో పవన్ కళ్యాణ్ సరసన శృతి హాసన్ నటిస్తోంది. బండ్ల గణేష్ నిర్మాత. పవన్ కళ్యాణ్ ఇందులో పవర్ ఫుల్ కొండవీడు పోలీస్ ఆఫీసర్ గా నటిస్తున్నాడు. చట్టం చూపిన దారిలో వెళితే నేరస్తులను అదుపులో పెట్టడం చాలా కష్టం. అందుకే గబ్బర్ సింగ్ తనదైన శైలిలో రౌడీలకు రౌడీగా తన తడాఖా చూపిస్తూ ఉంటాడు. సల్మాన్ ఖాన్ హీరోగా రూపొందిన బాలీవుడ్ ‘దబాంగ్’ సినిమాకు ఇది రీమేక్ అనే సంగతి తెలిసిందే.
ఏప్రిల్ చివరి వారంలో ఈ చిత్రం విడుదలయ్యే అవకాశం ఉంది. ఈ సినిమాలో ఇంకా నాగబాబు, సుహాసిని, బ్రహ్మానందం, తనికెళ్ల భరణి, అజయ్, అభిమన్యు సింగ్ తదితరులు ఇతర ప్రధాన పాత్రలు పోషిస్తున్నారు. సంగీతం: దేవిశ్రీప్రసాద్, నిర్మాణం: పరమేశ్వర ఆర్ట్ ప్రొడక్షన్స్.
Post a Comment