గోపిచంద్‌ సినిమాకు థమన్‌ సంగీతం

గోపీచంద్‌ హీరోగా ప్రముఖ సంగీత దర్శకుడు ఎస్‌ఎస్‌ థమన్‌ సంగీత సారథ్యంలో నిర్మాత తాండ్ర రమేష్‌ ఈ నెలాఖరులో ఓ చిత్రాన్ని ప్రారంభించనున్నారు. బాలాజీ రియల్‌ మీడియా బ్యానర్‌లో నిర్మితమయ్యే ఈ చిత్రానికి స్క్రీన్‌ప్లే, దర్శకత్వం భూపతి వహిస్తున్నారు. ఇంకా హీరోయిన్‌ ఖరారుకాని ఈ చిత్రానికి మాటలు ఎం.రత్నం, కెమెరా: శక్తి శ్రావణ్‌. ఈ చిత్ర నిర్మాత తాండ్ర రమేష్‌ తెలుగులో హిట్టయిన ‘ఏమైంది ఈ వేళ’ చిత్రాన్ని తమిళంలో నిర్మిస్తున్నారు. గత సంవత్సరం గోపీచంద్‌ ఎన్నో ఆశలు పెట్టుకున్న ‘మొగుడు’ ‘వాంటెడ్‌’ చిత్రాలు ఆశించిన రీతిలో విజయవంతం కాలేదు. ఈసారి ఎలాగైనా హిట్టుకొట్టాలనే కసితో ఉన్న గోపీచంద్‌ మంచి కథాబలం, కమర్షియల్‌ హంగులు ఉన్న చిత్రాన్ని ఎంపికచేసుకుంటున్నట్లు సమాచారం.