'నేను డ్యాన్స్‌ బాగా చేస్తానా? లేదా? అని మా నాన్నగారికి అనుమానం ఉండేది. అది పోగొట్టడానికి ఓసారి ఆయన ముందు ఓ పాటకు డ్యాన్స్‌ చేశా. ఆ పాట 'చికుబుకు చికుబుకు రైలే'. అది శంకర్‌ సినిమాలోదే' అంటూ రామ్ చరణ్ చెప్పుకొచ్చారు. ఆయన నిన్న(గురువారం) రాత్రి జరిగిన త్రి ఇడియట్స్ తెలుగు వెర్షన్ స్నేహితుడు ఆడియో పంక్షన్ కి హాజరై ఇలా స్పందించారు. అలాగే ..'త్రీ ఇడియట్స్' సినిమా అందరికంటే ముందు నేనే చూశా. చిత్ర నిర్మాతలు ముంబైలో విడుదలకు ముందే ప్రత్యేకంగా చూపించారు. తెలుగులో నన్ను చేయమన్నారు. అలాంటి పాత్ర పోషించాలంటే అమీర్‌ఖాన్‌లాంటి స్థాయి ఉండాలి. అందుకే వదులుకొన్నా. ఆ సినిమాకి శంకర్‌ దర్శకుడు అని చెబితే తప్పకుండా చేసేవాడిని అని అన్నారు.
ఇక రామ్ చరణ్ ప్రస్తుతం రచ్చ చిత్రం బిజీలో ఉన్నారు. మాహా శివరాత్రికి విడుదల అవటానికి ముస్తాబు అవుతున్న ఈ చిత్రాన్ని సంపత్ నంది డైరక్ట్ చేస్తున్నారు. ఈ చిత్రం పక్కా మాస్ మసాలా ఎంటర్టైనర్ అవుతుందని చరణ్ భావిస్తున్నారు. ఈ చిత్రంలో తన తండ్రి గ్యాంగ్ లీడర్ లో చేసిన ఓ పాటను రీమిక్స్ చేస్తున్నారు.
Post a Comment