రాజమౌళి దర్శకత్వంలో రాబోతున్న గ్రాఫికల్ వండర్ మూవీ ‘ఈగ' చిత్రం ఈ నెల 6న విడుదలవుతున్న సంగతి తెలిసిందే. నాని, సమంత, సుదీప్ ప్రధాన పాత్రలు పోషిస్తున్న ఈచిత్రాన్ని వారాహి చలన చిత్రం పతాకంపై సాయి కొర్రపాటి నిర్మిస్తున్నారు. కీరవాణి సంగీతం అదించారు.
రాజమౌళి చిత్రాలతో టాప్ హీరోలుగా ఎదిగిన జూనియర్ ఎన్టీఆర్, రామ్ చరణ్ ‘ఈగ' చిత్రాన్ని ప్రమోట్ చేసే పని పెట్టుకున్నారు. సందర్భం దొరికినప్పుడల్లా ‘ఈగ' చిత్ర గురించి మాట్లాడుతున్నారు. మరో రెండు రోజుల్లో విడుదల కాబోతున్న ఈచిత్రం మంచి విజయం సాధించాలని విషెస్ తెలిపారు. అదే విధంగా విక్టరీ వెంకటేష్, రవితేజ, అలీ, సునీల్ కూడా ఈగ చిత్రం హిట్ కావాలని గుడ్ లక్ చెప్పారు.
‘ఈగ' చిత్రం విడుదలకు ముందు స్టోరీ మొత్తం చెప్పేసిన దర్శకుడు రాజమౌళి....తన డైరెక్షన్‌ సత్తాను చాటుకున్నాడు. తాజాగా ఈ సినిమాను వీక్షించిన సురేష్ బాబు ఆనందం చూస్తుంటే రాజమౌళి ఈగ చరిత్ర సృష్టించడం ఖాయంగా కనిపిస్తోంది. మరో వైపు ప్రముఖ వివాదాస్పద దర్శకుడు రామ్ గోపాల్ వర్మ ఈ చిత్రం రూ. 100 కోట్లు వసూలు చేసి రికార్డు సృష్టిస్తుందని జోష్యం చెప్పారు.
తను ప్రేమించిన అమ్మాయితో హ్యాపీగా లవ్ స్టోరీ నడుపుతోన్న ఓ అబ్బాయి అతి క్రూరుడైన విలన్ చేతిలో ప్రాణాలు కోల్సోతాడు. అయితే ‘ఈగ' రూపంలో మరుజన్మ ఎత్తిన ఆ కుర్రాడిని గత జన్మ జ్ఝాపకాలు వెంటాడతాయి. దాంతో ‘ఈగ'గానే విలన్ పై ప్రతీకారం తీర్చుకునేందుకు ప్రయత్నిస్తాడు. కాగా తనకంటే ఓ ఐదు లక్షల రెట్లు శక్తిమంతడైన ఓ మనిషిపై..అదీ ఓ పరమ క్రూరుడి పై ఆ ‘ఈగ'ఎలా గెలిచిందీ..ఆ గెలుపు కోసం ఏమేం చేసిందీ' అన్నదే క్లుప్తంగా ‘ఈగ' కథాంశం.
సెన్సార్ బోర్డు సభ్యులు ఈ చిత్రానికి ఎలాంటి కత్తిరింపులు లేకుండా U/A సర్టిఫికెట్ జారీ చేసారు. సురేష్ ప్రోడక్షన్ సమర్పణలో ఈ చిత్రాన్ని సాయి కొర్రపాటి దాదాపు రూ. 26 కోట్ల బడ్జెట్‌తో ఈ చిత్రాన్ని నిర్మించారు. సంగీతం: ఎం.ఎం.కీరవాణి, ఛాయాగ్రహణం: సెంథిల్‌కుమార్‌, ఎడిటింగ్ : కోటగిరి విద్యాధరరావు, సమర్పణ: డి.సురేష్‌బాబు.
| Share with Friends : |
| Share with Friends : |
Post a Comment