100 రోజులు పూర్తి చేసుకున్న సెంటర్లు
హైదరాబాద్ : శాంతి థియేటర్
వరంగల్ : లక్ష్మణ్ థియేటర్
ఖమ్మం : సుందర్ మాక్స్
కరీంనగర్ : తీరంరాజ్ థియేటర్
నిజామాబాద్ : అశోక థియేటర్
వైజాగ్ : వి3 థియేటర్
విజయవాడ : కాపరథి థియేటర్
నితిన్ మాట్లాడుతూ 'నా కెరీర్‌లో 'సై' సినిమా అనంతరం మళ్లీ అంతటి జెన్యూన్‌ హిట్‌టాక్‌ 'ఇష్క్' చిత్రానికి లభించింది. మౌత్‌టాక్‌ ద్వారా ఈ సినిమా చాలా బాగుందన్న సమాచారం ఎక్కువమందికి రీచ్‌ అయింది. క్లాస్‌లతో సంబంధం లేకుండా ఈ సినిమా ప్రతి ఒక్కరికీ నచ్చింది. నా కెరీర్‌లో 'ఇష్క్' బిగ్గెస్ట్‌ హిట్‌గా నిలిచింది. ఈ సినిమాకు వర్క్‌ చేసిన ప్రతి టెక్నీషియన్స్‌కు ధన్యవాదాలు. అందరికీ మంచి పేరు, గుర్తింపును 'ఇష్క్' తీసుకువచ్చిందని' అన్నారు.
నిత్యమీనన్‌మాట్లాడుతూ నేనే ఈ సినిమా సక్సెస్‌ సాధిస్తుందని ముందే ఊహించాను. చిత్రీకరణ జరుగుతున్నప్పుడే విజయంపై మా అందరికీ పూర్తి నమ్మకం కలిగింది. అయితే ఈ రోజు మా అంచనాలను మించి విజయాన్ని అందుకోవటం విశేషం. గత ఏడాది 'అలా మొదలైంది'. ఈ సంవత్సరం 'ఇష్క్' సూపర్‌హిట్స్‌గా నిలవటం నాకు చాలా ఆనందంగా ఉంది..తెలుగువారం దరికీ నా ధన్యవాదాలన్నారు.
దర్శకుడు విక్రమ్‌ కుమార్‌ మాట్లాడుతూ 'ఇష్క్' సినిమా సూపర్‌హిట్‌ అవడం చాలా ఆనందంగా ఉంది. మేము ఊహించిన దానికంటే పదిశాతం ఎక్కువగా ఈ సినిమా ప్రేక్షకాదరణ పొందుతోంది. ఇదంతా మా టెక్నీషియన్స్‌, నటీనటుల వల్లే సాధ్యమైందన్నారు.
నటుడిగా మంచి సక్సెస్‌ కోసం ఎదురు చూస్తున్న నితిన్‌కు " ఇష్క్" మళ్లీ నూతనోత్తేజాన్ని ఇచ్చింది. శ్రేష్టామూవీస్‌ పతాకంపై విక్రమ్‌ గౌడ్‌ నిర్మించిన చిత్రానికి పి.సి.శ్రీరామ్‌ కెమెరామెన్‌. అనూప్ రూబెన్స్ సంగీతం అందించారు.
| Share with Friends : |
| Share with Friends : |
Post a Comment