ప్రమోషన్లో భాగంగా నగరంలోని శ్రీనిధి ఇంజనీరింగ్ ఇన్స్టిట్యూట్ & టెక్నాలజీ కళాశాలలో 'నా ఇష్టం' లోగో మరియు 30 సెకన్ల టీజర్ను విద్యార్థినీ విద్యార్థుల మధ్య విడుదల చేశారు. మూడు రోజులుగా జరుగుతున్న యూత్ ఉడాన్ ఫెస్టివల్లో నా ఇష్టం యూనిట్ పాల్గొని ఇంజనీరింగ్ స్టూడెంట్స్ను ఉత్సాహపరిచారు.
ఈ కార్యక్రమంలో హీరో రానా దర్శకుడు ప్రకాష్ తోలేటి, నిర్మాత పరుచూరి కిరీటి, నటులు భరత్, జోగినాయుడు, హర్షవర్ధన్, మరియం జకారియా తదితరులు పాల్గొన్నారు. లోగో, టీజర్ విడుదల అనంతరం రానా మాట్లాడుతూ... ఇక్కడికి వచ్చాక నా కాలేజ్ డేస్ గుర్తుకు వస్తున్నాయి. ఇదొక అందమైన ప్రేమకథ.. అందరికీ నచ్చే కథ అన్నారు.
' ఒక్క క్షణంలో పుట్టే ప్రేమకోసం ఒక జీవితమంతా పోరాడే వాళ్ళే నిజమైన ప్రేమికులు, లవర్స్ను సెలక్ట్ చేసుకోవడం కాదు లవ్ను సెలక్ట్ చేసుకోండి. దాంట్లో మీకిష్టమైన వాళ్ళుంటారు' అని డైలాగ్స్ చెప్పి అందరిని అలరించారు.
Post a Comment