‘జడ్‌టీఈ ఆప్టిక్’ టాబ్లెట్‌

టెక్ ప్రపంచానికి ఫిబ్రవరి 5 ఓ ప్రత్యేక గుర్తింపును తెచ్చిపెట్టనుంది.
ఉత్తమ ఫీచర్లతో విశిష్ట లక్షణాలను కలిగిన కంప్యూటింగ్ టాబ్లెట్‌ను ఫిబ్రవరి 5న ఆవిష్కరించనున్నారు. ZTE సంస్థ రూపొందించిన ఈ  సరికొత్త  డివైజ్ కంప్యూటింగ్ అవసరాలను పూర్తి స్థాయిలో తీరుస్తుంది.


‘జడ్‌టీఈ ఆప్టిక్’గా రాబోతున్న ఈ గ్యాడ్జెట్ ముఖ్య ఫీచర్లు:
* 7 అంగుళాల టచ్ స్ర్కీన్ డిస్‌ప్లే,
*  5 మెగా పికల్స్ రేర్ కెమెరా,
*  2 మెగా పిక్సల్ ఫ్రంట్ కెమెరా,
*  ఆండ్రాయిడ్ హనీకూంబ్ ఆపరేటింగ్ సిస్టం,
*  డ్యూయల్ కోర్ ప్రాసెసర్,
*  16జీబి ఇంటర్నల్ మెమెరీ,
*  1జీబి ర్యామ్,
*  3జీ కనెక్టువిటీ,
*  వై-ఫై,
*  బ్లూటూత్.
పనితీరు:
యూజర్ ఫ్రెండ్లీ స్వభావం హెచ్చుగా ఉన్న ఆండ్రాయిడ్ హనీకూంబ్ వోఎస్ పై ఈ టాబ్లెట్ రన్ అవుతుంది. త్వరలోనే ఈ వోఎస్‌ను ఐస్‌క్రీమ్ శాండ్‌విచ్‌‌గా అప్‌డేట్ చేసే యోచనలో ఉన్నట్లు తెలుస్తోంది. టాబ్లెట్ కెమెరా అంశాలను పరిశీలిస్తే వెనుక భాగంలో ఏర్పాటు చేసిన 5 మెగా పిక్సల్ కెమెరా  ఉన్నతమైన ఫోటోగ్రఫీ లక్షణాలను ఒదిగి ఉంటుంది. ముందు భాగంలో అమర్చిన 2 మెగా పిక్సల్ కెమెరా ప్రత్యక్ష వీడియో ఛాటింగ్‌కు తోడ్పడుతుంది. ఈ డివైజ్‌కు బ్యాటరీ మరో ప్లస్ పాయింట్‌గా భావించవచ్చు. మన్నికైన బ్యాకప్ నిచ్చే లి-ఐయాన్  4000 mAh బ్యాటరీని డివైజ్‌లో దోహదం చేశారు. 3జీ కనెక్టువిటీ సౌలభ్యత వేగవంతమైన నెట్ బ్రౌజింగ్‌కు తోడ్పడుతుంది. ధర వివరాలు త్వరలోనే వెల్లడవుతాయి.