తమిళ సూపర్ హిట్ తమిళ పదం రీమేక్ గా రూపొందున్న ఈ చిత్రాన్ని భీమినేని శ్రీనివాస రావు డైరక్ట్ చేస్తున్నారు. ఈ చిత్రంలో దాదాపు ఈ మధ్య కాలంలో వచ్చిన తెలుగు సినిమాలు అన్ని స్పూఫ్ లు ఉంటాయి. పూర్తిగా సినిమాలపై స్పూఫ్ గా తయారైన ఈ చిత్రం ఈ వేసవికి విడుదల చేయటానికి సన్నాహాలు చేస్తున్నారు. రీసెంట్ గా వచ్చిన చిత్రాలన్నిటిని ఈ చిత్రంలో హీరో పేరడీ చేస్తారు. అల్లరి నరేష్ కెరీర్ లో ఈ చిత్రం మరో మైలు రాయిగా నిలిచే అవకాశం ఉందంటున్నారు. చాలా గ్యాప్ తర్వాత భీమినేని డైరక్ట్ చేస్తున్న ఈ చిత్రం పై మంచి అంచనాలే ఉన్నాయి.
అలాగే ఈ చిత్రంతో పాటు అల్లరి నరేష్ ని నెల తక్కువోడు అనే చిత్రం కూడా చేస్తున్నాడు. గతంలో అల్లరి నరేష్ తో బెట్టింగ్ బంగార్రాజు చిత్రం డైరక్ట్ చేసిన సత్తిబాబు తాజా చిత్రం టైటిల్ అది. అల్లరి నరేష్ తో చేయబోతున్న ఈ చిత్రాన్ని అడ్డాల చంటి నిర్మిస్తున్నాడు. మార్చి నెలాఖరునుంచి ఈ చిత్రం షూటింగ్ మొదలవుతుంది. ఈ నెల తక్కువ చిత్రం కూడా పూర్తి స్ధాయి కామిడీగా రన్ అవుతుందని చెప్తున్నారు. మరో ప్రక్క అల్లరి నరేష్ వరస ప్రాజెక్టులతో బిజీగా ఉన్నాడు.
మరోప్రక్క తాజాగా అల్లరి నరేష్ కమిటైన ‘యాక్షన్’చిత్రానికి మాత్రం 15 కోట్లు వెచ్చిస్తూ నిర్మిస్తూండటం హాట్ టాపిక్ గా మారింది. ఈ విషయాన్ని దర్శకుడు మరియు నిర్మాత అయిన అనిల్ సుంకర మీడియాకు స్వయంగా తెలియచేసారు. ఆయన దర్సకుడుగా మారుతూ రూపొందిస్తున్న ఈ చిత్రానికి 15 కోట్లు పెడుతున్నారు. అనీల్ సుంకర గతంలో బిందాస్, అహనా పెళ్లంట, దూకుడు చిత్రాలు నిర్మించారు. ఇక ఈ చిత్రానికి ‘విత్ ఎంటర్‌టైన్‌మెంట్’ అనేది ట్యాగ్ లైన్. ‘అల్లరి’నరేష్, వైభవ్, రాజు సుందరం, ‘కిక్’ శ్యామ్, స్నేహాఉల్లాల్, విమలారామన్, కామ్నా జఠ్మలాని, నాజర్ ఇందులో ముఖ్య పాత్రలు పోషిస్తున్నారు. ఈ చిత్రం కనుక మంచి లాభాలు గడిస్తే అల్లరి నరేష్ రేంజి పెరిగినట్లే. ఆయన తదపరి చిత్రాలు అన్నీ ఈ రేంజి బడ్జెట్ లోనే ప్లాన్ చేయటం ఖాయం.
Post a Comment