సంక్రాంతికి విడుదల కానున్న “ఈగ” ఫస్ట్ లుక్

ఎస్.ఎస్.రాజమౌళి రాబోయే చిత్రం “ఈగ” ఫస్ట్ లుక్ ఈ సంక్రాంతికి విడుదల కానుంది ఈ సంక్రాంతి కి రెండు ప్రచార చిత్రాలను విడుదల చేస్తున్నాం అని ఎస్ ఎస్ రాజమౌళి చెప్పారు. ఈ చిత్ర క్లైమాక్స్ చిత్రీకరణ పూర్తి అయ్యింది ఈ చిత్రాన్ని మార్చ్ చివర్లో విడుదల చెయ్యటానికి సన్నాహాలు చేస్తున్నారు. రాజమౌళి తో కలిసి పోస్ట్ ప్రొడక్షన్ బృందం కాస్త ఎక్కువ కష్టపడి అనుకున్న తేదీలోపల పూర్తి చెయ్యాలని ప్రయత్నిస్తున్నారు.నాని , సమంత మరియు సుదీప్ ప్రధాన పాత్రలు పోషిస్తున్నారు.ఈ చిత్రం తమిళం లో కూడా విడుదల కానుంది. ఈ చిత్రానికి ఎం.ఎం.కీరవాణి సంగీతం అందించగా సెంథిల్ సినిమాటోగ్రఫీ అందిస్తున్నారు.